PBA commissioner dunay nakitang kahayag
CEBU, Philippines — Pabiling masaligon si PBA commissioner Willie Marcial nga masalbar pa ang Season 45 sa liga bisan og usa na lang ka komperensiya ang ilang mapahigayon.
Ang gibasihan ni Marcial mao ang dagan sa panghitabo karon sa tibuok kalibotan. Apil na niini ang mga kalihukan sa paugnat sa kusog didto sa Taiwan ug South Korea ug ingon man susamang plano nga ibalik na ang mga duwa didto sa Amerika ug Europe. Gihisgutan ni Marcial ang pipila ka NBA teams nga miabli na og balik sa ilang mga pasilidad aron makapahigayon og indibidwal nga workout ang ilang mga players.
Nanghinaut hinuon si Marcial nga ang kagamhanan molampos unta pagpakgang sa pagkuyanap ning corovanirus sa labing dali nga panahon ug sa hinay-hinay motugot sa pagpabalik sa mga kalihukan sa paugnat sa kusog, apil na ang mga duwa sa PBA.
"The board decision is to wait until August. Medyo matagal pa yon. Hopefully, by that time, medyo okay na, and allowed na ang gathering for a sports event, like the PBA," sumala pa ni Marcial segun sa taho sa PBA.ph.
- Latest
