Vogel hindi tiyak kung positibo siya sa virus

LOS ANGELES -- Bagama’t inihayag ng Los Angeles Lakers na lahat ng kanilang players, kasama ang dalawang naunang nagpositibo sa coronavirus disease (COVID-19), ay wala nang sintomas matapos ang two-week self-isolating period, inamin naman ni coach Frank Vogel na hindi niya tiyak kung mayroong miyembro ng kanyang coaching staff na may virus.

“To my knowledge, the rest of the staff was not tested,” wika kahapon ni Vogel sa conference call.

Apat na Nets players, kabilang si Kevin Durant, ang nagpositibo sa COVID-19. Ito ang nagtulak sa Lakers na isailalim ang kanilang mga players sa pagsusuri.

Ang Brooklyn ang hu­ling nakalaban ng Los Angeles noong Marso 10 bago suspindihin ng NBA ang season matapos magpositibo sa virus si Utah Jazz Rudy Gobert.