Marcial pabiling PBA commissioner

CEBU, Philippines — Gilugwayan sa PBA ang termino ni Commissioner Willie Marcial.

Si Marcial magpabiling commissioner sa mosunod nga tulo ka tuig.

Atol sa PBA board meeting, nagkauyon ang tanang kadagkoan sa liga ug mga team owners nga ipabilin sa puwesto si Marcial human  mapupos iyang tulo ka tuig nga unang termino.

Kon matiwas ni Marcial ang laing tulo ka tuig, mokulit siya og kasaysayan isip commissioner nga labing dugay nga misilbe sa liga.

Malabwan ni Marcial  ang mga nangaging   commissioners nga sila si Mariano Yenko (1984-1987), Rudy Salud (1988-1992), Rey Marquez (1992-1993), Noli Eala (2003-2007), Sonny Barrios (2008-2010), Chito Salud (2010-2015) ug Chito Narvasa (2015-2017).