Curry wala pa'y klaro kanus-a makabalik og duwa
CEBU, Philippines — Si two-time NBA MVP Stephen Curry sa Golden State Warriors gipaubos sa CT scan kagahapon aron pagsuta kon unsay nahimong kadaut sa nabali niyang tuong kamot.
Ang Warriors gipaabot nga mokonsulta dayon sa mga espesyalista aron pagdeterminar kon unsa ang gidugayon nga dili makapakita'g aksiyon si Curry.
Ang Warriors superstar na-injured niadtong Huwebes sa dihang gi-foul siya ni Aron Baynes samtang mi-lay-up sa bola atol sa 121-110 nilang kaparotan ngadto sa Phoenix Suns.
Segun sa taho sa The San Jose Mercury News nga wala pa'y klaro kon kanus-a makabalik og duwa si Curry ug ang tanan mag-agad kon kinahanglan ba siyang operahan o dili.
Wala nang daan si Kevin Durant nga mitapon sa Brooklyn Nets ug si Klay Thompson nga padayon pang nagpaalim sa iyang injury, daw sa natiwasan pa ang kalbaryo sa Warriors gumikan sa nadangatan ni Curry.
- Latest
