Belga gipamulta P20,000
CEBU, Philippines — Gipamulta og P20,000 si Beau Belga sa Rain or Shine Elasto Painters tungod sa iyang pagsiko sa ulo ni Jason Perkins sa Phoenix Fuel Masters atol sa ilang duwa sa PBA Governors' Cup.
Si PBA Commissioner Willie Marcial miingon nga mirason si Belga kaniya nga wala siya'y intensiyon nga makapasakit ug insidente lang ang maong panghitabo. Apan nakadesisyon na ang commissioner nga hatagan og leksiyon ang beteranong sentro nga si Belga.
Wala hinuon suspensiha si Belga bisan pa og giisip nga flagrant foul ang iyang gibuhat.
Gihangop ni Painters coach Caloy Garcia ang wala pagkasuspenso ni Belga ilabi na nga naglisud ang iyang koponan sa ilang kampanya karon nga conference.
Si Garcia mitug-an nga nagplano sila nga ilisan ang ilang import nga si Kayel Locke kay wala makatabang pagpabangon sa ilang kampanya.
Ang Painters adunay record nga 1-5 ug delikadong dili kini makasud sa playoffs.
- Latest
