Leonard gilihian og pilde uban sa Clippers
CEBU, Philippines — Mipakita sa labing una niyang aksiyon sa Los Angeles Clippers si Kawhi Leonard, apan gisugat siya og 91-111 nga kapildihan batok sa Denver Nuggets kagahapon didto sa Staples Center sa Los Angeles, California.
Napuno sa abiba si Leonard nga misul-ob sa uniporme sa Clippers sa labing unang higayon sukad sa iyang pagpirma og multi-year contract sa koponan atol sa off-season human mibiya sa Toronto Raptors diin siya midaog sa ikatulo niyang NBA title sa miaging season.
Wala hinuon makaduwa uban sa Clippers ang laing superstar nga si Paul George nga padayong nagpaalim sa minor injury.
Nangulo sa scoring sa Clippers ang higanteng si Montrezl Harrel nga mipupo 15 puntos.
Wala hinuon paduwaa og maayo ni coach Doc Rivers si Leonard hinungdan nga nakahimo lang siya og siyete puntos ug unom ka assists sud sa 10 minutos.
- Latest