Alaska mikuha ni Daniels isip import sa Commisioner's Cup

CEBU, Philippines — Tungod kay nakuha na sa Phoenix Fuel Masters ang ilang sinaligang import nga si Rob Dozier, ang Alaska Aces misugal karon ug gikuha nila si Chris Daniels isip import alang sa PBA Commissioner's Cup nga buksan sunod bulan.

Itandi sa kanhi best import nga si Dozier, si Daniels dili kaayo ilado, apan taas kini og kasinatian isip import sa mga nagkadaiyang liga sa ubang mga nasud.

Sa edad nga 35, ang 6-foot-9 nga si Daniels mao na ang usa sa labing edaran nga import   moduwa karon nga season.

Katapusan siya nga miduwa sa South Korea diin gitunolan niya ang team og kampiyonato. Nakaduwa  sab siya didto sa Puerto Rico, China, Jordan ug  Lebanon.