Sugboanong si Desiderio gipaabot moduso aplikasyon sa PBA draft
CEBU, Philippines — Usa karon si Cebuano collegiate star Paul Desiderio sa gipaabot pa nga mga PBA prospects nga moduso sa ilang aplikasyon alang sa PBA rookie draft karong Disyembre 6 didto sa kaulohan.
Si Desiderio, ang star player sa University of the Philippines (UP) Fighting Maroons wala pa'y panahon pag-atiman sa iyang aplikasyon tungod kay aduna pa kini duwa batok sa Ateneo de Manila University (AdMU) Blue Eagles sa UAAP Finals nga sugdan ugma didto sa Smart Araneta Coliseum.
Kun opisyal na nga magpapili, ang taga-Liloan nga si Desiderio usa sa mga gitan-aw nga first round pick sa maong draft uban ni NBA D-League cager Ray Parks Jr. ug mga NCAA stars CJ Perez ug Robert Bolick.
Si Desiderio usa sa nakatabang pagsulbong sa UP sa UAAP ug segurado nga kuhaon siya sa PBA teams nga nagkinahanglan og scoring point guard ug playmaker.
- Latest
