Santos, rosario himuong defenders

CEBU, Philippines – Duha ka PBA superstars nga sila si Arwind Santos ug Troy Rosario gihimo na lang ni Gilas Pilipinas coach Yeng Guiao nga defenders gumikan kay napuno kini'g mga scorers.

Pulos mga sinaligang scorers ang duha sa tagsa-tagsa nila ka koponan sa PBA, apan gidawat nila ang responsibilidad nga gihatag ni Guiao. Sila si Santos ug Rosario nakita ni Guiao nga maayong defenders batok sa mga tag-as nga guwardiya ilabi na sa Iran.

Ang Gilas makig-'rematch' sa Iran sa   2019 FIBA World Cup qualifiers karong Disyembre 3 didto sa Mall of Asia Arena. Sa dili pa sila

mag-abot, ang Gilas makigsangka una sa Kazakhstan sa Nobiyembre 30 didto gihapon sa MOA Arena.

Ang Gilas miporma sa labing lig-on nilang line-up nga gibidahan nila ni JuneMar Fajardo, Greg Slaughter, Japeth Aguilar, Christian Standhardinger, Jayson Castro ug Paul Lee.