Colina naglawig sa MIMO dart

CEBU, Philippines — Mikutlo og laing kampiyonato si Reyden Colina sa ikatulong edisyon sa Yayoy’s Grill Money In Money Out (MIMO) dart tournament nga gipahigayon niadtong miaging gabii didto sa Yayoy’s Grill and Restobar.

Gipilde ni Colina si Roniel Pedrosa sa singles event finals, 2-0, aron masakmit ang titulo. Mipwesto sa ikatulong dapit si Dino Bacayo, samtang si Steve Montenegro maoy fourth placer.

Sa doubles event, ang tandem nila ni William Ugang Jr. ug Kim Aguinaldo maoy midominar human nila gipukan sila si Colina ug Ramon Alcoseba, 2-0. Milandig sa ikatulo sila si Shayne Cathalia Soquiño ug JF Harder.  (BANAT NEWS)