Roach: Crawford lig-on nga kontra
CEBU, Philippines - Miangkon si Hall of Fame trainer Freddie Roach nga usa ka lig-on nga kontra ang wa’y pildeng super lightweight champion nga si Terence Crawford batok sa boksidor niyang si Manny Pacquiao, apan usa kini ka away nga dili nila angayan nga atrasan.
Sa dihang nahinabi ni Wil Esco sa badlefthook.com, si Roach nagkanayon nga ang pangan ni Crawford usa sa ilang mga gisaytan aron iparang ni Pacquiao, kinsa misakmit og balik sa iyang WBO welterweight title human kulataha si Jessie Vargas niadtong Nobiyembre sa Las Vegas.
Samtang si Crawford milinyada sa iyang kaugalingon isip sunod makontra ni Pacquiao human sa impresibo niyang pagdepensa sa iyang WBO ug WBC junior welterweight titles diin iyang gipatukay-ang si John Molina sa ikawalong hugna didto sa Omaha, Nebraska.
Sa wa’y pagduha-duha, si Roach mibasa nga dekalibre gyud nga kaatbang si Crawford, apan dili mahitabo nga ilang talikdan ang maong sangka nga gihandum sa kadaghanan.
“He’s big enough of a name... he will definitely be on the table and he is a Top Rank fighter so it’s a fight Bob Arum can make pretty easily I feel,” matud pa ni Roach.
- Latest