Sinumbagay sa kawit karong Marso 5
CEBU, Philippines - Usa ka libreng pasundayag sa boksing nga gitawag og “Sinumbagay sa Kawit” ang modalit sa katawhan sa barangay Kawit, lungsod sa Medellin karong Marso 5.
Gi-promote kini ni Lorenzo ‘Chao’ Sy sa La Fortuna Hotel ug La Fortuna Bakery inabagan ni Medellin vice mayor Alfonso Lim.
Mosalida sa main event sa maong boxing fight card mao si Junnie Salogaol, kinsa modepensa sa iyang PBF bantamweight title batok ni Carlo Demecillo sa Iligan City.
Adunay walo ka supporting bouts nga pagabidahan ni Junriel Jimenez sa Lorenzo ‘Chao’ Sy Stable batok sa knockout artist gikan sa Butuan City nga si Belmar Plaza.
Sila si Kenan Villaflor ug Jeffrey Stella gikatakdang mag-abot alang sa unom ka hugna nila nga kumbati ug sila si Clyde Azarcon ug Marlon Talili magbinukbukay sud sa upat ka hugna.
Gawas niana, adunay lima ka amateur bouts nga naglambigit sa mga gold ug silver medalist nga mga boksidor gikan sa Cebu City batok sa mga boksidor sa Medellin. Ang maong boxing fight card gipasiugdahan ni Lorenzo ‘Chao’ Sy sa La Fortuna Hotel ug La Fortuna Bakery inabagan ni Medellin vice mayor Alfonso Lim. (BANAT NEWS)
- Latest
