‘Salo-salo’ moabli sa Laba President’s CUP 2015 second conference

CEBU, Philippines - Ang second conference sa  Los Amigos Basketball Basketball (LABA)  cagefest  2015 sugdan na karong gabii   pinaagi sa usa ka salo-salo diha sa ilang homecourt, ang Barangay Banilad Sports Center, dakbayan sa Mandaue.

Si LABA president Gilbert Sebandal, kinasing-kasing nga miawhag sa  tanang mga miyembro  sa pagtambong sa maong kalihukan nga sugdan sa alas-7 sa gabii.

Sa gihapon, walo ka teams ang magsangka alang sa kampiyonato nga gipangulohan sa miaging President’s Cup champion  LB Water Refilling Station   ni team owners Rosalie Baclay ug Ramil Baclay.

Lain pang mopakita’g aksiyon mao ang Lakers, Lisjorcinran, Aunicaj ni team owner Jun Arceo, Avengers ni Arnold Pestaño, MS Motosuit ni Lou Ornopia, AC Troopers ni SPO4 Dondon Coloscos ug New Millennium Hardware.

Mosubay sila og single round robin format sa eliminasyon diin ang top four magsangka sa crossover semifinals. Ang modaog maoy mag-abot sa  finals.

Hinuon ang pormal nga kompetisyon unya pa sa Lunes banatan.

Ang mga duwa nga  pagadumalaon ni commissioner chairman Geryl Bukiron ug asst. commissioner chair Dodoy Rizani himuon matag  Lunes ug Biyernes sa gabii.

Lain pang mga opisyales  sa LABA mao sila si  SPO4 Dondon Coloscos (VP internal), Tony Alcover, (VP external), Archie Pon (secretary), Jonathan Salonoy (treasurer), Joel Cabahug ug Vac Larobis (auditors).

Ang Board of Directors naglakip nilang Cris Ubas, Lou Ornopia, Arnold Pestaño, Sani Pestaño, Dodong Pane ug Gilbert Lisen.

Sila si Cesar Lee ug Rudy Candelada maoy mga advisers sa LABA, usa sa labing  karaang nga ballclub dinhi sa Sugbo. (BANAT PALARO)