Dragonboat festival race Taytay Boys kampeon sa Race 2 Raise
MANILA, Philippines - Naipakita ng Taytay Boys ang magandang kondisyon para kilalanin bilang kampeon sa men’s division sa Race 2 Raise dragonboat race kahapon sa Manila Bay.
Binubuo ng mga mananagwan mula Philippine Canoe Kayak Federation (PCKF) kumawala ang Taytay Boys sa unang 100m sa 300m karera at manaig sa Laguna Rapids.
May winning time sila na 1:11.56 at mahigit na dalawang segundo ang layo ng Taytay Boys sa Laguna na may 1:13.44.
Pumangatlo ang Philippine Dragonboat Rowing Team habang ang Phl Navy ang pumang apat.
Nakabawi naman ang Navy sa womens habang ang Marines ang naghari sa mixed division.
May tiyempong 1:38.86 ang Navy na naagwatan ang Marines ng kalahating bangka.
Ang PDRT ang pumaÂngatlo sa kababaihan.
Ang palaro ay inorgaÂnisa ng Feati University na ang layunin ay makalikom ng pondo para itulong sa paglinis sa Pasig River.
Si Feati University PreÂsident Dr. Adolfo Jesus GoÂpez ang nagbigay ng paunang pananalita habang si Pasig River Rehabilitation Commission executive director Ronald Naguit ang kumatawan sa PPRC.
May basbas ng PCKF ang nasabing torneo at media partner ang PSNgaÂyon.
- Latest
