Farenas na-TKO si Rios
MANILA, Philippines - Kinailangan lamang ni two-time world title challenger Michael Farenas ang dalawang round para manalo kay Mexican boÂxer Jesus Rios sa kauna-unahang boxing promotion ng MAG Pacman Boxing International Promotions noong Biyernes ng gabi sa Solaire Resorts and Casino.
Matitinding kumbinasÂyon ang pinakawalan ni Farenas upang dalawang beses na tumumba si Rios sa ikalawang round.
Nagawa pa niyang buÂmangon matapos ang pangalawang paghalik sa lona sa round pero nagdesisyon na ang referee na itigil na ang laban sa 2:40 ng round.
Ang panalo ay nagbigay kay Farenas ng 37 panalo sa 46 laban, kasama ang 29 KOs.
Si Rios ay natalo sa ikalimang pagkakataon matapos ang 33 laban para tapusin din ang naunang dalawang panalo sa taon.
Ang magandang panalo ng 29-anyos na boxer na tinaguriang “Hammerfist†ay maaaring magbukas ng pintuan sa mas malaÂking laban.
- Latest
