Abogado ni Pacman giatake

Gidali pagdala ngadto sa tambalanan ang abogado ni Manny Pacquiao nga si Franklin Gacal kinsa nakahiagum og stroke niadtong Sabado sa buntag didto sa General Santos City.

Si Pacquiao midalikyat una og hawa sa training aron moduaw na sa iyang abogado ug higala.

WBO mihatag og hinabang

Mihatag og $10,000 ang World Boxing Organization (WBO) isip hinabang ngadto sa mga nabiktima sa bagyong ‘Yolanda’ niadtong miaging semana.

Ang mga WBO officials mipadangat usab sa ilang pag-ampo ngadto sa biktima sa bagyo sa kabisay-an. (LPM)

Williams balik na og practice

Nangandam na si kanhi PBA MVP Kelly Williams sa iyang pagbalik og practice uban sa Talk N’ Text Tropang Texters alang sa iyang PBA ‘comeback’ sa sunod season.

Si Williams wala makaduwa sa miaging season human siya mipauli sa Estados Unidos aron magpatambal sa iyang talagsaong sakit sa dugo. (LPM)

Cali nailogan sa bakus

Pakyas ang Filipino Mixed Martial Arts (MMA) fighter nga si Ale Cali pagdepensa sa iyang Pacific Xtreme Championship (PXC) flyweight title human siya gi-TKO ni Hawaiian Louis Smolka sa PXC 41 didto sa Ynares Sports Arena.