SHS-Ateneo Magis Eagle Arena inagurahan karon

CEBU, Philippines -  Inagurahan na sa Sacred Heart  School-Ateneo de Cebu ang ilang Magis Eagles Arena, ang multi purpose building nga magamit dili lang sa sports, culture and arts karong adlawa didto sa barangay Canduman, Mandaue City.

  Ang arena adunay duha ka andana ug adunay basement. Ang upper ground adunay duha ka courts nga naggamit ug Regupol flooring, Porter retractable goals nga gimontar sa kisame ug digital scoreboards.

 Ang basketball courts mahimo sab gamiton alang sa volleyball ug uban pang mga indoor sports events. Aduna kini kapasidad nga 3,000 ka tawo.

 Ang lower ground adunay dakung hawan nga mahimo sab magamit sa nagkalain-laing mga sports events ug magamit sab sa mga teams alang sa ilang culture ug arts.

 Si Father Provincial Antonio F. Moreno sa Society of Jesus, maoy mobendita sa maong edipisyo ug maoy mohimo sa labing unang Misa sa pasilidad uban ni SHS-Ateneo de Cebu President  Fr. Manuel Uy, S.J.

 Natumong ang pagsubo sa maong edipisyo samtang nagsaulog ang Society of Jesus kagahapon sa kapistahan ni St. Ignatius of Loyola, kinsa maoy founder sa religious order diin nahisakop ang Jesuits. (BANAT NEWS)