Cebu City dancesport misidlak na SAB sa Manila

CEBU, Philippines -  Misidlak na sab ang Dancesport-Team Cebu City dihang milahutay ang ilang katakus pinaagi sa pagkabkab og

17 golds, 12 silvers ug usa ka bronze medal sa 2013 DSCPI National Dancesport Mid-Ranking and Competition

niadtong Sabado didto sa Philsports Arena sa Pasig City.

 Sila si Bjorn Torreon ug Elsa Zetz maoy nangu sa mga mananaog uban ang tulo ka bulawan pinaagi sa SE 2F,

Grade C ug SE 2B classes sa modern standard event.

 Si John Paul Mocorro mikubkob sab og tulo ka bulawan, duha uban ni Therese Quilaton sa junior A Latin ug

standard ug usa uban ni Jam Flores sa standard youth C.

 Miugkat sab og silver sila si Mocorro ug Flores sa standard youth C.

 Si Flores nidaog og laing bulawan sa SE male Latin, ning higayona uban ni Bert Kevin Dilovio.

 Ang DTCC directress nga si Eleanor Hayco mipakita sa iyang kasinatian sa dancefloor dihang mirampa kini og

duha ka bulawan, usa gikan sa Latin SE 2A uban ni Wilbert Aunso ug laing usa gikan sa senior standard C uban ni Davin

Unabia.

 Sila si Eo Lowen Rendon ug Mary Desiree Seraga mipakita sab sa ilang abilidad sa pagsadsad dihang mihakot

kini og duha ka golds sa SE 1F ug SEM Latin.

 Nakakuha sab og gold sila si Jojit Cabuenas ug Kieko Ozaeta sa SE 2B Latin ug usa ka silver sa SE 2A Latin,

samtang sila si Charlie Camacho ug Marisse Reyes nidaog og gold sa senior A Latin ug usa ka silver sa Senior 2B Latin.

 Sila si Andrew Ysla ug Kathlene Joy Diluvio mitunol og usa ka bulawan sa junior C Latin ug usa ka silver sa

standard, samtang sila si Rinzon Elarcosa ug Reyana Mae Elarcosas mikubit og usa ka bulawan sa Latin action pinaagi sa

youth C division.

 Sa ilang bahin, sila si Zjine Troy ug Zjiana Tracy Villarta miamot og usa ka bulawan sa youth A standard ug

usa sab ka silver sa Latin.

 Sila si Jeffrey Benarao ug Mary Mae Canillo mitunol sa ika-17 nga bulawan alang sa DTCC pinaagi sa youth

A Latin class ug bugtong bronze alang sa team pinaagi sa standard youth A.

 Ang lain pang mga sakop sa DTCC nga misapsap og silver medals mao sila si Carl Nathanyl Papellero ug

Jasmine Kate Labra sa juvenile C Latin ug standard, Romeo Cialbo ug Mae Pabuaya sa standard SE 1F, Jessel Yap ug

iyang  partner nga si Diane sa standard Grade C ug Ronald Ruiz ug Jocelyn Zetz sa standard SE 2F ug standard senior C. (BANAT NEWS)