Go Pacers, go!

Kadtong nakakita kagahapon sa Game 6 tali sa Indiana Pacers ug Miami Heat, maka-ingon gyud tingali nga lisud gyud tag-anon kung kinsa kanilang duha maoy adunay katungod nga makigharung batok sa San Antonio Spurs alang sa NBA best-of-seven finals sugod sa Hunyo 6.

Gawas lang tingali kadtong mga fans sa Heat mao ray dili makumbensir nga mahimong sa Martes, adunay milagrong himoon ang Pacers aron pailhon ang ilang mga kontra ilabi na sa wala modapit kanila nga dili taghap ang ilang 91-77 nga kadaugan sa Game 6.

Usa sa labing gipaabot kining series nga molanat og Game 7 tungod kay ang buot ipasabot niana nga wala gyud nakakuha'g dakung bentaha.

Sa akong tan-aw, doble ang kakapoy nga bation karon sa Heat sa ilang pagbalik ngadto sa ilang homecourt sa American Airlines Arena ilabi na ang pressure nga ilang masinati. Mga hugyaw lang sa fans maoy usa ka butang nga makahatag og espiritu ngadto sa Heat apan dunay mga higayon nga ang mga fans ra sab ang mobugal-bugal og mo-boo sa ilang team ilabi na kung walay ayo ang ipakitang duwa.

Daw maglukdo og duha ka sakong copras ang gibug-aton sa tahas sa Heat samtang ang kakugi, determinasyon ug kaisog maoy gihuptan karon sa Pacers nga wala gyud magdahum nga molanat og ingon niini kataas ang series.

"Nothing to lose" na karong mga gutloa ang Pacers kay sobra na ang ilang kalamposan. Labing menos, ila nang nalabang ang 4-2 nga pilde sa miaging tuig batok sa Heat sa second round sa playoffs. Samtang dili maseguro sa Heat ang duwa, ang Pacers sab "have everything to gain" busa kung tinuoray gyud ang Miami nga usa ka champion, dili nila tugotan nga makasikit ang Heat ug kung mahimo, biyaan nang daan og dako.

Apan dili kini sayon buhaton sa Heat kay maayong modepensa ang Pacers ug mosukol pa gyud og pisikal nga duwa. Bisan unsang matanga sa duwa ang gamiton sa Heat, dunay ikasukol ang Pacers.

Ang dili ra gyud mabangbang sa Pacers kung ang tanang mga three-point shots sa Heat mosulod apan kung ari sa ilawom ug sa fastbreak, dili mabentahaan ang Pacers.

Sa kasaysayan, pabor nang daan ang Heat kay mas daghang higayon nga ang home team maoy modaug sa Game 7.

Sukad natukod ang NBA, nahitabo na nga 112  ka duwa ang milanat ngadto sa Game 7 ug 23 lang niini ang road teams nga midaug.

May 12 sab ka playoff seasons nga wala moabot og Game 7 ang duwa ug usa lang ka franchise sa kasaysayan sa NBA ang wala gyud makatilaw bisa'g usa ka Game 7 ug kini mao ang Charlotte Bobcats nga wala gyud moabante sa playoffs gawas lang niadtong 2010.

Ang 1994 season maoy dunay labing daghang Game 7 nga lima ka higayon.

Ang Los Angeles Lakers ug ang New York Knicks maoy labing daghang duwa nga  miabot og Game 7.

MISCELLANEOUS. Belated birthday greetings to my auntie Mrs. Adelina G. Domingo who marked another milestone last May 28. She and the entire Domingo family are now permanently residing in Seattle, Washington. I have also a cousin there Rogelio Pono who worked as Transamerica manager. This is the reason why I am rooting for the Oklahoma City Thunder who were the former Seattle Supersonics. Also belated birthday greetings to Randy Ladonga last  May 30.Condolence to the Cao family for the death of Domingo Cao who is the uncle of my wife Gingging last May 29. He was interred yesterday at the Calamba cemetery. He is survived by his wife Delia and two children.