Alaska Power Camp nagmalampuson
CEBU, Philippines - Dul-an sa 100 ka basketball enthusiasts nga nagpangedaron gikan sa singko anyos ngadto sa 17anyos ang mitapos sa tulo ka semanang Alaska Power Camp basketball clinic kagahapon didto sa Sacred Heart School-Ateneo de Cebu (SHS-AdC) gym sa Gen. Maxilom avenue.
Nadawat nila ang "certificates of completion" gikan ni trainor ug coach Roel Gomez. Ang University of Cebu (UC) Webmasters coach nga si Gomez, kanhi player sa Alaska Aces sa PBA.
Nakadawat sab og tropeyo ug medalya ang individual awardees atol sa closing ceremony.
Pipila sa misubang sa maong clinic mao silang Christian dela Torre, kinsa maoy napiling Most Promising Player ubos sa 14-17 age bracket. Nakadawat usab og susamang pasidungog silang Dervin Gerod Menina sa 10-13 years division ug si Charles Bucao ubos sa 6-9 years old.
Ang best shooter sa 14-17 years division mao si Alain Carlo Bandal, best in lay-up si Eljay Alfaro, best in passing si Josh Lim ug best in footwork si Joshua Cabatingan.
Sa 10-13 age category, ang mga nakadawat og pasidungog mao silang Jose Zaldy Dizon (best dribbler), David Ragasa (best passer), Anton Rome Trayvilla (best shooter), Earl Jericho Rotaquio (best in lay-up) ug Kobe Bryan Abellanosa (best in footwork).
Ang mga gipasidunggan ubos sa 6-9 age group mao silang Charles Bucao (best dribbler ug most promising), Vince Evan Narido (best shooter), Vincent Escobido (best in lay-up), Andre Bermudo (best passer), Kobe Llanto (best in footwork) ug most improved nga si Zach Mediodia.
Ang kanhi UC Webmasters skipper nga si Atty. Kenneth Kern Sesante, maoy pinasidunggang dinapit sa kalihukan, kansang presensiya naghatag og kadasig sa mga campers.
Ang mga coaching staff sa maong clinic naglakip nilang high school coach Reggie Licanda, Caleb Gawnagon, Joever Samonte, Lawrence Agas, Allain Abellanosa, Rolando Adarna ug Barlow Rogado. - BANAT NEWS
- Latest
- Trending
