800 big bikers moapil sa Biketoberfest

CEBU, Philippines - Kapin sa 800 big bikers ang moapil ning tuiga sa "Biketoberfest" nga gikatakda karong Oktubre 29-31 diha sa Asiatown I.T. Park sa barangay Apas, ning siyudad.

Kini mao ang ikaduhang tuig sa maong event nga gipasiugdahan sa Star Touring and Riding Association-Cebu Chapter, usa sa mga international bike organization sa nasud.

"This will be the biggest gathering of star club members in the country, coming from the four different chapters namely Cebu, Cabadbaran, Ormoc and

Manila," matud pa ni Bing Avila, kanhi bise presidente ug usa sa mga founders sa Star Touring, sa press conference niadtong miaging gabii diha sa Northwinds Hotel.

Gawas sa out-of-towners, moduyog usab sa maong kasaulogan ang ilang mga miyembro gikan sa Japan, Korea, Norway, Spain ug U.S.

Ang Star Touring-Cebu Chapter nga gimugna ni Avila niadtong tuig 2003, nagsugod lang sa 15 ka miyembro.

Gawas sa tradisyonal nga parada sa ilang mga motorsiklo, mopahigayon usab og exhibit ug outreach program ang grupo diin ang ilang mga beneficiary mao ang Cebu City Task Force on Street Children ni Cebu City Councilor Margot Osmeña ug ngadto sa orphans sa Asilo De la Milagrosa. – BANAT NEWS