MVPs, All-Star players sa 2nd BTC Cup giila

CEBU, Philippines - Mihingan na ang organizers sa 2nd BTC Cup sa top ace players gikan sa Cebu Cherish School (CCS), PAREF Springdale School ug San Isidro Parish School (SIPS) isip Most Valuable Players sa 2010 season.

Ang 2010 season MVP naglakip nilang Ogilvie Lorence dela Fuente sa CCS sa 16-under category, Zach Elisha Go sa Springdale sa 14-under, Joshua Riner Ramas sa SIPS sa 12-under   ug si Giles Nathan Benedicto sa Springdale sa 10-under.

Ang 2010 edition sa BTC Cup diin ang tanang mga duwa giduwa sa Banilad Town Centre (BTC) natapos niadtong Agosto 29 uban sa University of Southern Philippines Foundation (USPF) nga maoy kampiyon sa 16-under category.

Gawas sa MVP, ginganlan sab ang komposiyon sa 16-under All-Star team sa bracket A ug kini mao sila si Joachim Giacobbe Go sa Springdale, Randolph Manuel Santiago sa SIPS 1 ug Noriel Bacatan sa Academ Institute.

Sa bracket B mao sila si Jomarie Beldoro sa USP-F, Mark Joseph Laurente sa SIPS 2, Justin Paolo Mabitad sa Don Bosco Technology Center (DBTC) ug Niño Bern Romero sa SIPS 3.

Sa 14-under, ang All-Stars under sa bracket A mao sila si Go, Jose Francisco Gatchalian sa SHS-Ateneo 1, Ian Xaviery Maligro sa St. Alphonsus Catholic School (SACS) ug Jonathan Tanghal sa SIPS.

Si Clint Justin Remedio sa USPF, Jayson Sy sa CCS, Arvin Ando sa DBTC 4 ug Jacob Kenneth Lee sa SHS-Ateneo 2 maoy naglangkob sa bracket B sa 14-under All-Stars.

Ginganlan sab ang All-Stars sa 12-under, uban ni Ramas mao sila si Joseph Jaime Sainz sa Springdale, Ram Denzylle Pepito sa Sotero B. Cabahug (SBC) Forum for Literary ug Ronald Martin sa Southwestern University (SWU).

Uban ni Benedicto sa 10-under All-Stars mao ang iyang teammate sa Springdale nga si Jose Antonio ‘Sean’ Quitevis ug sila si Justin Earl Dumol ug Ethan Ryan Fajardo sa SHS-Ateneo.

Ang 2nd BTC Cup nagmalampuson pinaagi sa suporta sa Tutoring Club, Republik, Cherifer “Tangkad Sagad” growth vitamins, Robinson’s Supermarket, Nature’s Spring, Dimsum Break, Thirsty ug Nike Athletic Club. – BANAT NEWS