Ayer's Lechon, Simava kampiyon sa SK

CEBU, Philippines - Naka-eskapo ang sitio SIMAVA bitbit ang 78-74 nga kadaugan batok sa Christwil (Sitio Ilang-Ilang) aron pagsakmit sa korona sa juniors division sa San Isidro, Talisay SK summer basketball tournament niadtong Martes sa gabii didto sa ilang barangay open court.

Sa sayo pa, ang Ayer’s Lechon milubong sa Chrislie, 86-74 aron sab paglangkat sa korona sa midget division.

Ang mga duwa sa SK, gipasiugdahan ni San Isidro Basketball Association (SIBA) president Kenneth Maningo ug gipadagan ni SK chairman Charlene dela Cuesta, usa sa mga kalihukan sa tinuig nga kapistahan sa San Isidro karong Mayo 15.

Si MVP Jefferson Kho maoy nangu sa SIMAVA sa iyang 24 puntos ug si Jaydee Cabañero miduga'g 23 puntos.

Si Roy Quiatchon nga mao sab ang MVP sa midget division, maoy nangu sa Ayer's Lechon nga mihipos og 26 puntos, gisundan ni Ryan Alenton sa iyang 20 puntos. 

Puntos Matag Usa

Unang duwa:

Ayer’s Lechon (86) - Quiatchon 26, Alenton 20, Campugan 18, Debalucos 16, Bacus 2, Debalucos 2, Noval 2

Chrislie (74) - Gomez 23, Mag-aso 13, Rosales 12, Mabitad 8, Kong 6, Mag-aso 6

Ikaduhang duwa:

SIMAVA (78) - Kho 24, Cabañero 23, Olazo 12, Gabison 11, Llanos 2, Navales 2, Labnao 2, Sison 2

Christwil (74) - Sab-a 26, S. Baclay 12, Dejos 12, Baclay 12, Diamante 4, Balatbat 4, Manigos 2, Lomera 2. – BANAT NEWS