Adlawan mobalik na sa aksiyon sa MS Motocross

CEBU, Philippines - Mobalik na sa aksiyon si Jon-Jon Adlawan sa pagsikad sa 4th leg sa 2010 MS Motosuit Motocross Series karong adlawa didto sa San Fernando.

Giulohan og Mayor Neneth Reluya Motocross Cup, si Adlawan gilaumang mamawi human siya mapalta’g duha ka legs.

Gawas ni Adlawan, moladlad sab sa ilang abilidad si Irwin Ramas-Uypitching sa Dumaguete City, John-John Flores ug managsuong Jubenile ug Juvanni Abellar sa pro ug experts divisions.

Laing riders nga angayan atngan mao sila si Dongkey Sanchez, Ayen Ledesma ug Siegfred Ornopia uban sa iyang mga anak nga sila si Earl Jean Brylle, Ken Kerry ug Kerry Keizer. (BANATNEWS)