Arthro, Kidneycare mipukan sa ilang kontra

CEBU, Philippines - Gimasaker sa managsuong koponan Arthro ug Kidneycare ang tagsa-tagsa nilang kaatbang sa nagpadayong aksiyon sa 2009 University of San Carlos Boys High Alumni Basketball Association (USCBHABA) Atan Guardo Barkadahan Cup diha sa USC North campus gym.

Ang Arthro nagsalig sa ilang kainit sa unang kuwarter aron paglubong sa Orofer sa iskor nga 89-75, samtang ang Kidneycare milubong sab sa Sustagen Premium sa iskor nga 69-51.

Ang Arthro nakabentaha og 12 puntos paghuman sa unang 10 minutos sa duwa, 24-12 ug nainat pa ang labaw ngadto na sa 16 puntos pagtapos sa third period, 69-53 nga nakapahugno sa Orofer.

Si Edmund Odulio maoy topscorer sa Arthro nga mirehistro og season-high 38 puntos, samtang si Raul Monterroyo mitimang og 17 puntos.

Sa pasiunang duwa, ang Kidneycare milabaw lang og singko puntos sa unang kuwarter sa iskor nga 19-14, apan milusad sa ilang makabungog nga rally sa second period aron inaton ang labaw sa halftime, 40-25.

Ang Kidneycare milusad og laing rally aron pagposte og 18 puntos nga bentaha, 55-37 dayong intra sa final quarter.

Ang 2009 USCBHABA season gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Kidneycare, Heartvit, Diabet, Eyeberry, Athan, Slima ug Hardman.

Puntos Matag Usa             

Kidneycare (69) - Catapusan 16, Simene 10, Tabares 9, Cañete 6, Derecho 6, Honorio 5, Adolfo 4, Delantar 4, De los Cientos 3, Cuyos 2, Demecillo 2, Bajarias 2

Sustagen (51) - Gerali 19, De la Rosa 9, De la Cruz 8, Aguhar 4, Ouano 4, Antigua 3, Sanico 2, Lee 2

Ikaduhang duwa:

Arthro (89) - Oduilo 38, Monterroyo 17, Lim 15, Tajanlangit 7, Pagapulaan 6, Aauza 4, Fick 2,

Orofer (75) - Nina 13, Tangarorang 13, Andulana 12, Javines 9, Enriquez 8, Canabano 6, Manrona 4, Villamor 4, Baguio 3, Panal 3. - Yoyo R. Abayan (BANAT NEWS)