Conor Express midemolis sa LBHA sa MBL caging

CEBU, Philippines – Gidemolis sa Conor Express Freight Forwardees nilang team owners Olive Paraguas ug Elmer Hamis ang Little Baguio Homeowners Association (LBHA), 73-58 aron pag-angkon sa ikatulong puwesto sa Mambaling Baskeball League (MBL) summer tournament didto sa Ma. Gochan Complex sa barangay Mambaling, ning siyudad.

Gikan sa 17-all nga tabla, ang Conor nakakuha’g 32-29 nga labaw sa halftime, sa wala pa inata ang labaw ngadto sa 10 puntos, 49-39 paghuman sa ikatulong kuwarter. 

Ang high-leaper nga si Carl Jacaba mihakot og 22 puntos aron pangulohan ang Conor Express, samtang si Jay-P Salem mi-iskor og 20 puntos, gisundan ni Ben Gascon nga adunay 12 puntos.

Ang LBHA gipangulohan ni Dumar de Ramos kinsa mikimada og 18 puntos, samtang sila si Boy Muñoz, Rey Porral ug Benjie Castillo nagkumboya og 35 puntos sa maong kapildihan.

Puntos Matag Usa

Conor (73) - Jacaba 22, Salem 20, Gascon 12, Las Piñas 8, Temperatura 4, Lasam 3, Cubil 2, Romeo 2
LBHA (58) - De Ramos 18, Muñoz 14, R. Porral 11, Castillo 10, C. Porral 3, Padilla 2 – BANAT NEWS