Manila, handa na sa pagho-host ng Philippine Little League

MANILA, Philippines - Handa na ang lahat para sa paghohost ng Manila sa 2009 Philippine Little League series na nakatakda sa Abril 13-19 sa iba’t ibang lugar ng Lungsod ng Maynila.

May kabuuang 92 koponan kabilang na ang Tuguegarao sa norte at Zamboanga sa south ang nagpahayag ng interes sa kanilang paglahok sa 8-division championships kung saan nakataya ang puwesto para sa Asia-Pacific sa Indonesia at Taiwan para naman sa boys’ baseball at Guam sa girls’ baseball.

“This is going to be the biggest Philippine Series ever in terms of the number of teams participating,” ani Jolly Gomez, pangulo ng organizing Little League Philippines.

Lahat ng Major League (11-12 years old) games ay nakatakda sa Luneta Park kung saan nagpagawa ng apat na standard-size diamond fields sina Mayor Fred Lim at Manila Sports Council chair Niño dela Cruz.

Ang ibang laro naman-- Junior League (13-14), Senior League (14-16) at Big League (16-18) – sa baseball at softball ay na isang dating dumpsite.

Ang iba pang paglala-ruan ay ang Rizal Memorial Track and Field oval, University of Santo Tomas, Polytechnic University of the Philippines at Pamantasan ng Lungsod ng Maynila grounds.

Ang opening ceremony ay nakatakda sa Quirino Grandstand.

“It goes to show that the Little League program, the largest mass-based, grassroot-oriented youth development program in the world, has come of age here,” ani Gomez.

“Manila will actually be hosting 1,300 boys baseballers and girls softbelles. Include the some 270 coaches and team officials and delegation officials and the number can swell to no less than 1,500,” dagdag pa niya.

Maglalagay ng limang koponan ang host city na karamihan sa players ay mula sa pamosong Smokey Mountain at squatter areas sa Tondo.

Magiging atensiyon ang host girl’s big leaguers, ang defending Philippine Series at Asia Pacific champions na pumangalawa sa World Series.