Carcel nanghawod sa 6th leg
- Bot Glorioso, Yoyo R. Abayan () - September 23, 2008 - 12:00am

CEBU - Ang masaarong Cebuano go-kart racer nga si Juan Antonio ‘Tonyo’ Carcel maoy nanghawod sa sixth leg sa 2008 Shell Helix National Karting Series niadtong miaging adlaw didto sa Boomland sa Manila.

Sumala pa sa iyang amahan nga si Neil, nga si Tonyo maoy nidominar sa tanang heats.

Gawas niana, si Tonyo nirehistro sa all-time fastest lap sa iyang 31.70 segundos diin iyang gipukan ang karaang rekord nga 32.2 segundos.

Ang mga Sugbuanon mitali og 1-2-3 finish uban ni Jette Calderon nga milandig sa ikaduha ug ang manghod nga babaye ni Tonyo nga si Kali mitapos sa ikatulo.

Sa iyang kadaugan, ang Grade 7 pupil sa Paref-Springdale mipatubo sa iyang labaw sa overall standings bitbit ang 424 puntos.

Si Tonyo milabaw og 40 puntos ni Christian Gaddi, ang iyang karibal alang sa overall crown.

Ang katapusang duha ka legs sa maong series ning tuiga gikatakda karong Oktubre 10 ug 11 didto sa Carmona, Cavite. (BANAT NEWS)  

BOOMLAND CARMONA CAVITE CHRISTIAN GADDI JETTE CALDERON JUAN ANTONIO SHELL HELIX NATIONAL KARTING SERIES SI TONYO TONYO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with