1st Metro Cebu Inter-school basketball challenge 200
Ang 1st Metro Cebu Inter-School Basketball Challenge 2008 nga sugdan unta ugmang adlawa, Agosto 9, gi-uswag ngadto sa Agosto 30 diha gihapon sa Don Bosco Technology Center (DBTC) three-court gym sa barangay Punta Princesa, ning dakbayan.
Gi-uswag ang pagbukas tungod kay ang mga partisipanteng atleta mokuha og eksaminasyon karong petsa 15, 16 ug 23.
Pipila sa mga tunghaan nga nakaparehistro na mao ang DBTC, USC-North Campus, Paref-Springdale, USJR-Basak Campus, Sacred Heart School-Jesuits, Mary Help of Christian School, Montessori School,
CEC, PCGS ug
Ang ubang mga tunghaan nga gustong mosalmot gihatagan lamang kutob ugmang adlawa sa pagduso sa ilang mga line-ups.
Ang maong kalihukan gitumong aron sa pagkaplag sa umaabot nga “little king” sa korte ubos sa pagtugot sa Department of Education (DepEd).
Ang maong torneyo adunay tulo ka divisions --mosquito, mini ug midget.
Ang torneyo gimugna ug gidumala sa TEAM WORLD (Talent with Effective Action Makes Work Orderly and Responsive Leadership Development) nga gipaluyohan sab sa DBTC ubos sa ilang rector nga si Fr. Rlang Guiao, SDB.
- Latest
- Trending
