Orange miposte ikaduhang daog
Ang Team Orange mikulit og sunod-sunod nga kadaugan sa Tejero Archers Basketball Association (TABA) Inter-color Basketball Tournament didto sa Tejero Sports Complex.
Ang Orange cagers ni team captain ug T. Padilla barangay councilor Edgar Camota midaog batok sa Black sa iskor nga 74-66 niadtong Nobiyembre 26.
Sa ikaduhang duwa, lahi nga kaatbang ang ilang nabagatan kay gipurhisyo kini og maayo sa wala pa nila mailog ang makutas nga kadaugan batok sa White sa iskor nga 54-53.
Sa ilang kumbati batok sa Black, nakontrolar sa Orange ang duwa ug wala na nila tugti ang ilang kaatbang nga makalabaw pa human miabante og sayes puntos, 40-34 sa halftime.
Ang Orange nabiyaan og 10 puntos sa halftime, 20-30, apan nakabawi kini sa ikaduhang-tunga diin ilang gilupig ang White sa scoring, 34-23 aron angkonon ang kadaugan.
- Latest
- Trending
