Pinoy cyclist puntang China

Sariwa sa kanilang dalawang linggong high-altitude training susubukan naman ng RP-PAGCOR Casino Filipino Trade team ang kanilang kakayahan sa akyatan kontra sa malalakas na dayuhang oposisyon sa pagpadyak ng Qhinghai Lake Race cycling classic sa China sa July 17.

Kasali ang siklistang Pinoy sa 1,292 kilometer, 9 stage race malapit sa bundok ng Tibet ma tatampukan ng mga pangunahing dayuhang siklista na sumali din sa Tour de Korea cycling competition.

"The China bikefest is considered the biggest international road cycling event after Malaysia’s Tour de Langkawi so the RP-Pagcor team of veteran Victor Espiritu, Lloyd Reynante, Merculio Ramos, Rhyan Tanguilig, Baler Ravina and Joel Calderon will be tested to the hilt," ani coach Rico Gutierrez.

Sina Ravina at Calderon ay dalawa lamang sa promising rookies sa RP-Pagcor stable na magsasagawa ng kanilang debut sa international cycling event.

Kabilang sa mga de-kalibreng kalahok ay ang Belgium-based Marco Polo, na kumopo ng team at individual championships sa Tour de Korea at inaasahang team-to-beat sa Qhinghai Lake Race.

Gayunpaman kumpiyansa pa rin si Pagcor chairman Efraim Genuino sa kakayahan ng Pinoy. "They have already proven themselves in the Tours de Langkawi and Korea. I know that they will give their best in China."

Ang koponan na suportado ng Pagcor Casino Filipino, TCL Television, Rudy Project, TnT Express Worldwide, UCPB Gen, New Balance apparel at Pinarello bicycle, ay dalawang linggong nagsanay sa mataas na Baguio para makayanan ang hamon sa Qhinghai Lake Race.

"The team is a combination of youth and experience. I am confident Victor, Lloyd, Merculio and Rhyan will be able to blend well with Joel and Baler," anaman ni Pagcor Sports Director Louie Carlos, na siyang head ng national delegation sa Qhinghai Lake Race.

Aalis ang Pinoy riders sa Huwebes para bigyan ng sapat na panahon ang sarili na masanay sa racing condition sa China.