Finals target ng Purefoods

Nakabukas na ang pintuan ng finals ng PBA Samsung Governors Cup para sa Purefoods TJ Hotdogs ngunit kailangan muna nilang iprisinta ang ikatlong panalo laban sa Coca-Cola Tigers upang tuluyang makapasok dito.

Sasagupain ngayon ng TJ Hotdogs ang Tigers sa Game Three sa pam-bungad na laban sa ganap na alas-3:45 ng hapon sa Araneta Coliseum kasunod ng sagupaang San Miguel Beer at Alaska Aces para sa kanilang sariling semis series na sisimulan dakong alas-5:45.

Nasa panig na ngayon ng Purefoods ang momentum at mataas na mataas ang kanilang morale bunga ng kanilang kinikipkip na 2-0 bentahe sa best-of-five semifinal series.

"I’m happy with the position that we are in, but I’m not satisfied. It takes three games to get into the championship and until we haven’t won that third game, we’re not going to relax," ani interim head coach Ryan Gregorio.

Binuksan ng Purefoods ang serye sa pamamagitan ng 89-86 pama-mayani na sinundan ng 84-75 tagumpay sa Game Two noong Huwe-bes.

"We hope we can stop them from winning three straight. It would be hard for them to do that but remember, even we do not have that third win yet. So there’s really a lot of work to be done," wika ni Gregorio.

Tabla naman ang best-of-five series ng SMBeer at Aces nang maihirit ng Alaska ang 67-63 panalo sa Game-Two matapos makauna ang San Miguel sa 72-66 tagumpay.

"That was huge for us. We went from the brink of elimination into a position to take the lead in the series. If we had lost that game, that would have been it because you can’t beat a team like San Miguel three straight times," ani Cone.

Walang iba kundi sina imports Derrick Brown at Kelvin Price ang muling sasandalan ng TJ Hot-dogs ngunit tiyak na hahataw ngayon sina Ron Hale at Rossell Ellis upang ibangon ang Coca-Cola na obli-gadong ipanalo ang hu-ling tat-long laro sa serye upang makarating sa finals.

Ang mananalo sa dalawang semis match-ups na ito ay maghaharap sa best-of-seven championship series.