8 MM qualifiers sa Boracay finals

Walong koponan mula sa Metro Manila ang tutungo sa Boracay sa pangunguna ng malakas na Far Eastern University sa pagtatapos ng Metro Manila eliminations ng 6th Nestea Beach Volley University Championships sa La Salle Greenhills, kaha-pon.

Ang mga umakyat sa finals sa women’s division ay ang Letran College, St. Jude College, Adamson at Mapua habang bukod sa FEU , umusad din ang Central Colleges of the Philippines, PATTS at Mapua.

Makakasama nila ang top 4 mula naman sa Luz-Viz-Min eliminations na gaganapin sa Abril 13-14.

Tinalo ng FEU Spikers ang UST sa quarterfinals, 21-16 upang makarating sa finals at pagkatapos ay iginupo ang RTU, 21-17 para isiguro ang kanilang team sa finals.

Ginapi naman ng Letran belles ang team ng aktres na si Isabel Gra-nada, 21-11 at pagkatapos ay sinibak ang RTU para sa kanilang puwesto.