Sanchez pinalubog 50 meter backstroke record ng Pinas

MANILA, Philippines — Nagtala si Kyla Sanchez ng national record pero hindi sapat upang sumampa sa podium sa 20th Aichi-Nagoya Asian Games na ginanap sa Tokyo Aquatics Center sa Japan kahapon. 

Sa katunayan, dalawang beses na bumasag ng record ang 25-anyos na si Sanchez sa loob ng isang araw subalit kinapos pa rin itong mag-uwi ng medalya.

Nirehistro ni Sanchez ang 28.19 segundo sa women’s 50-meter backstroke sa final, subalit tumapos lamang ito ng pang lima.

Nilista ni Sanchez ang 28.24 seconds sa prelimina­ries, ang naturang tiyempo rin nito ang bumura sa nakaraang national standard na 28.47 seconds na kanyang naiposte sa 2025 Southeast Asian (SEA) Games sa Thailand.