Alexa milusad sa iyang solo version sa “Believing in Magic”

CEBU, Philippines — Gilusad na ni Alexa Ilacad ang solo rendition niya sa  “Believing In Magic (Yakap Mo)” nga naghisgot  sa pagpaabot sa gugma.

Una na niya nga gipadungog  Alexa ang maong awit kauban sila si  Belle Mariano ug Francine Diaz  isip kabahin sa  “Star Magical Prom 2024: The Album.”

Gi-produce kini sa  ABS-CBN Music creative director  nga si Jonathan  Manalo ug ang pagsulat niini kay inabagan nila ni Andrei Dionisio ug  Annabelle Regalado-Borja.

Nagsilbing executive producer niini  ang StarPop label head nga si Roque “Rox” Santos.

Nagsugod  ang music career ni Alexa pinaagi sa iyang  debut album nga “To The Moon and Back” niadtong  2016.

Gisundan kini sa nagkadaiya niya nga  singles nga sama sa  “Love At First Sight,” “Stay Right Here,” ug  “Paano.”

Nakauban usab niya si  KD Estrada alang sa soundtrack sa “Run To Me” nga gilangkoban sa  “Misteryo” ug  “When I See You Again.”

Isip aktres, nailhan  si Alexa sa dihang nalakip siya sa  youth-oriented comedy show nga “Goin’ Bulilit” niadtong  2008. Nilugwa usab siya sa sikat nga mga  teleserye nga sama sa  “Bagito,” “The Good Son,” “The Killer Bride,” ug  “Pira-Pirasong Paraiso.”

Ang  bag-ong single ni Alexa nga “Believing In Magic (Yakap Mo)” kay madungog sa nagkadaiyang  digital streaming platforms.

Jillian gihulman  sa "Black Rider”

Molugwa isip cameo alang sa karakter niya   nga Doc  Analyn Santos  ang bida sa teleseryeng "Abot-Kamay Na Pangarap" nga si  Jillian Ward sa teleserye ni Ruru Madrid nga "Black Rider!"

Duna’y  motorcycle action scenes sa Black Rider  ang duha ka Kapuso stars .

"Nakakakaba po kasi ngayon lang ako sumakay ng motor pero siyempre andito naman po ang ating napakagaling na si Sir Ruru kaya medyo nawala po kaagad ang kaba ko," saysay pa ni Jillian  ngadto sa Kapuso news program nga 24 Oras.

Matud pa ni Ruru nga gipaneguro gyud niya  nga mahimong komportable si Jillian sa dihang gihimo ang maong eksena.

"Siyempre kumbaga nakasalalay sa akin ang buhay ni Jillian Ward, kailangan talaga nating ingatan.Dahan-dahan lang and eventually kanina, nag-motor kami, tinry ko ng konting bilisan para at least masanay siya ng konti,” matud pa ni Ruru.