Macau Giant Pandas bugbog sa Fiberxers
MANILA, Philippines — Kumonekta ang Converge sa ikaapat na sunod na panalo matapos bugbugin ang talsik nang guest team Macau, 162-108, sa Season 50 PBA Governors’ Cup kahapon sa Ynares Center sa Antipolo City.
Kumolekta si Juan Gomez de Liano ng triple-double na 13 points, 11 rebounds at 12 assists, habang umiskor si import Cam Clark ng 32 markers.
“This is a challenge for our team right now kasi ever since we’re only in the quarterfinals and we’re aiming na sana umabot kami ng semifinals,” sabi ni coach Delta Pineda.
Itinaas ng FiberXers ang kanilang baraha sa 7-4 katabla ang TNT Tropang 5G sa third spot sa Group A papasok sa crossover quarterfinals.
Sasalang din sa best-of-five quarterfinals series ang NLEX Road Warriors (9-2) at San Miguel Beermen (8-3).
Bagsak ang Giant Pandas sa pang-limang dikit na kamalasan para sa 2-10 marka bagama’t nakahugot kina Kobey Lam ng career-high 49 points.
Binuksan ng Converge ang laro sa pagtatala ng 25-8 abante mula sa basket ni Justine Baltazar bago nila ito pinalobo sa pagtatapos ng first period, 41-19.
Lalo pang umalagwa ang tropa ni Pineda sa second quarter matapos ang layup ni Justin Arana sa 6:26 minuto nito.
Nailapit ni Lam ang Macau sa halftime, 52-79
Hindi na nagpaawat ang FiberXers sa third period nang ilista ang 94-66 abante galing sa dalawang free throws ni Arana sa 7:12 minuto nito na hindi na napababa ng Giant Pandas.
- Latest
