Win No. 5 sinuwag ng Junior Altas

MANILA, Philippines — Bumanat si team captain Louie Rosales ng game-high 21 points para tulungan ang University of Perpetual Help System DALTA sa 72-60 pagligpit sa San Beda University sa NCAA Season 102 juniors basketball tournament kahapon sa FilOil Centre sa San Juan City,

Sinuwag ng Junior Altas ang kanilang pang-limang sunod na panalo para sa 5-1 record.

Sinosyohan ng Las Piñas-based dribblers ang Emilio Aguinaldo College Brigadiers sa liderato sa Group B.

Nagdagdag si Arkin Cristobal ng 15 points, habang may 13 markers si Sizco Roquid para sa tropa ni coach Joph Cleopas.

Kumolekta si Edlex Bonzalida ng double-double na 10 points at 11 rebounds sa panig ng Red Cubs na nabaon sa halftime, 23-39.

Mula sa nasabing 16-point lead sa first half ay hindi na bumitaw ang Perpetual Help sa second half para dumiretso sa kanilang mainit na arangkada.