Junior Altas Girls kampeon
MANILA, Philippines — Winalis ng Perpetual Junior Altas Girls ang Arellano Lady Braves via five-setter sa Game Two para angkinin ang korona ng NCAA Season 99 girls volleyball tournament.
Kinumpleto ng Junior Altas Girls nina coaches Jason Sapin at Sandy Rieta ang 2-0 sweep sa Lady Braves.
“Nakita ko sa kanilang mga mata ang determination na maging champion,” wika ni Sapin. “Sinabi ko sa kanila na huwag nang paabutin ang serye sa Game Three.”
Nauna nang tinalo ng Perpetual ang Arellano sa Game One, 25-22, 17-25, 26-24, 21-25, 15-13.
Bumandera sa Junior Altas Girls sina graduating Grade 12 Jemalyn Menor, Sherrie Acosta, Jaja San Juan, middle blocker Ashlee Buenaventura, setter Jamine Monte at libero Janine Espiritu.
Nakatakda ang awarding ceremony para sa mga individual awards at podium finishers para sa boys at girls division sa Mayo 19 matapos ang Game One ng men’s finals.
- Latest
