Ikakatloag-Siyam nga Adlaw
Mga Sakramental: Ang Benenditahang Kandila
Sukaranang Teksto
Basaha ang Gen. 1;3-25
Pasiuna
1. Ang kandila kasagaranang gigamit nato diha sa kangitngit. Niadtong wala pa mauso ang mga sugang dagitab kita nagsalig sa kandila.
2. Ang kandila gigamit usab nato sa mga higayon nga kita mag-ampo.
3. Ang kandila simbolo sa presensiya sa Dios.
Pagpalawom
Ang kandila ingon nga nagtimaan sa presensiya sa Dios nipahinumdom kanato nga dili gyud mahitabo nga modaug ang kangitngit batok sa kahayag. Nindot ang liturhiya panahon sa Sabado Santo diin ang kandila nga paskwal gibendisyonan ug gikan ning maong kandila gihimo natong gidagkotan ang atong mga dala nga kandila diin atong gitubag og Salamat sa Dios! Ang gikanta sa pari o Diyakono nga Si Kristo atong Kahayag! Ang maong kandila nisimbolo sa pagbuntog ni Kristo atong kahayag sa kangitngitan sa kamatayon ug sa sala diin nahimong prinsipe niini si Satanas ang amahan sa kasal-anan ug prinsipe sa kangitngitan.
Pangamuyo
Ginoo hayagi ang akong hunahuna ug kasingkasing aron ako mamahimong andam ug tagana nga mosanong sa imong kamatuoran ug dili ang bakak nga iya sa dautan. Amen.
Kalihokan karong adlawa
1. Mas makatarunganon nga imong pabendisyonan ang kandila sa inyong padre kura.
2. Ayaw gamita ang mga kandila nga dekolor diin dunay gipataban nga mga kahulogan. Kini tungod kay ang maong balansayon iya man sa mga occult ug patuo tuo.
- Latest
