Mamahimo bang idonar ang property ngadto sa kapuyo?

Dear Atty. Divine,

Duna koy kapuyo karon sud na sa tulo ka tuig ug duna mi usa ka anak. Wa mi magpakasal kay minyo man kining akong live-in partner ug wa pa ma annul ang iyang unang marriage. Naa sab siyay usa ka anak sa iyang legal nga asawa apan dugay na silang nagbuwag. Duna siyay napalit nga yuta karong bag-o ug gusto unta niya nga i-transfer ngadto sa akong pangan ang maong property kay matud niya iya mang kwarta ang gibayad sa pagpalit niini. Ang akong pangutana, mamahimo ba nga idonar sa akong live-in partner ang maong property ngari kanako?  Salamat daan sa imong pagtubag .

Gina

* * *

Dear Gina,

Tungod kay nagpabiling kasal ang imong live-in partner sa iyang unang asawa mahulog nga illicit ang inyong relasyon ug basi sa balaod ang minyo nga lalaki o babaye dili mamahimong modonar og property ngadto sa iyang karelasyon. Kana maoy nalatid sa Article 739, par. 1 sa atong New Civil Code. Gawas pa, kanang maong property bisan tuod kun napalit kana sa dihang kamo na ang nag-live-in apan makonsiderar gihapon kana nga conjugal property uban sa iyang first wife kay basi sa balaod, ang bisan unsang property nga mapalit atol sa kaminyuon makonsiderar nga conjugal ug basi sa Article 98 sa atong Family Code, ang bana or asawa dili mamahimo modonar og property nga gipanag-iya nilang duha nga way pagtugot sa iyang kapikas, sa ato pa, dili mahimong idonar sa imong kapuyo ang maong property nganha kanimo.Thank you and God Bless.

Atty. Divine

* * *

Alang sa inyong pangutana,  palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.