Estate tax
Dear Atty. Divine,
Ang among amahan namatay niadtong miaging tuig. Aduna siya’y tulo ka parcels sa yuta nga gibilin. Wa pa namo malihok ang pag transfer sa maong mga property ngadto sa among pangan isip mga heirs. Unsay among tax nga bayranan ini’g process ani sa transfer? Unsay una namong buhaton aron ma process ang pag transfer sa maong mga property nga kabilin sa among amahan? Daghang salamat.
Kent
* * *
Dear Kent,
Kinahanglan ninyong bayran ang Estate Tax inig process ninyo sa pag transfer sa mga property sa inyong amahan ngadto sa pangan sa mga heirs. Ang una ninyong buhaton karon mao ang pag execute of Extra-judicial Partition nga pirmahan sa tanang mga heirs og panotaryuhan. Human niini, inyong I submit sa BIR diin mahimutang ang property sa inyong amahan uban sa mga Certified True Copy sa Tax Declaration og sa Title kun titulado, death certificate sa inyong amahan ug Certificate of Land Holdings alang sa pagpa compute og Estate Tax sa BIR. Human sa pag compute, inyong bayran ang Estate Tax sa bangko ug dayon inyong I submit ang tanang dokumento sa BIR aron ma process na ang Certificate Authorizing Registration or CAR sa BIR. Kun ma release na ang CAR inyong I process ang pag transfer sa Tax Declaration sa Assessor’s Office diin mahimutang ang property og human niini kun titulado ang property, inyong I process ang pag transfer sa Title ngadto sa inyong pangan sa Register of Deeds. Thank you and God Bless.
Atty. Divine
* * *
Alang sa inyong pangutana, ipadala lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
