Ang taksanan

Siko kaayo ang kadaghanan kanato. Sa ato pa, daghanan nato ang hataas ra kaayo og sukaranan kun standard sa atong paghukom sa uban.

Tungod niini, mas dali alang nato ang pagtan-aw sa ilang kasaypanan kaysa atong kahugawan.

Dunay mga hinungdan kun nganong ang tawo nahimong ingon ini.

1. Una, dili kita buot sa atong tagsatagsa ka mga vulnerabilities nga ma-expose sa uban, mao nga mohimo dayon kita og projection.

Nagpasabot kin inga atong mga kakuwangan mahimong atong ipahid ngadto sa uban.

2. Ikaduha, nahimong nabilanggo kita sa atong kaugalingong mga baruganan nga tungod niini malisod alang kanato ang pagdawat sa kalainan sa uban. Ang bias anaa gyud sa kanunay. Malisod kaayo kining papason. Lisud kaayo kining wad-on.

3. Ikatulo, nahimong daw naanad kita sa kun unsay atong napanunod mo nga lisud ang pagpakahimong flexible matag karon ug unya.

Apan nindot kaayo ang pahimangno sa Dios alang sa matag usa kanato.

Kun si kinsa kadtong walay sala mao man gyud ang unang mobato kanila nga hisakpan nato nagpakasala. Atong himoon kining maong pag-ampo:

Ginoo ang akong kagahapon nagkinahanglan sa imong kalooy.

Ang akong kasamtangan sa imong pagsabot

Ang akong kaugmaon, sa imong panalipud.

Salamat Ginoo kay bisan pa man kun ako anaa sa lapok ikaw nagpakalapok aron ako imong haw-ason.