Unsay buhaton aron di masirad-an ang road right of way?

Dear Atty. Divine,

Ang akong bana gitanyagan og property sa iyang amigo ug among nakita ang property nga naa sa interior part. Ang seller misaad nga iya ming hatagan og road right of way nga igo maagian og sakyanan kay siya man sab ang tag-iya sa atubangan nga yuta nga gustong paliton sa akong bana. Ang akong gikabalak-an lang kun among paliton ang property unya among i-develop kalit unya nga mausab ang desisyon sa seller ug iyang sirad-an ang  road right of way, unsay among buhaton to make sure nga dili sirad-an ang maong agianan kun among paliton ang maong property? Daghang salamat.

Lorna

* * *

Dear Lorna,

Considering nga ang seller mao ra say tag-iya sa atubangang property mas maayo nga sa inyo unyang pagpalit sa yuta nga naa sa interior part, maghimo sab mo og separate agreement sa seller alang sa perpetual road right of way sa maong dapit og aron seguradong dili niya sirad-an ang maong agianan ug inyong ipa annotate sa title or sa tax declaration sa property ang inyong kasabutan sa road right of way. Lain nimong option to make sure nga naa gyud kay agianan ug dili kini masirad an bisan kun lain na ang owner sa atubangang property mao ang pagpalit sa maong road right of way, buot ipasabot nga imong bayran ang tag-iya sa value sa yuta nga imong gihimong agianan. Thanks and God bless.

Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana  pinaagi sa akong column matag Miyerkules, Sabado ug Domingo.