Buntag sayo

Nindot kini nga kasinatian nga bation labi na kon ang imong hunahuna ug kasingkasing malaumon. Daghan ang buot mangita sa kinabuhing malipayon taliwala ning kalibutang madagmalon.

Mao nga dunay estudyante nga miduol nako ug nangutana, kon hain naman kuno ang gipangita niyang tingusbawan aron sa mga exams makapasar.

Ako siya nga gipangutana kon naggahin ba siya og igong panahon sa pagtuon. Apan bugtong DOTA 2 lang ang iyang nalitok. Tubag nga makapapungot.

Mao nga ang buntag sayo mahimong dulom pa sa alkitran kon ugaling dili nimo mahatag ang hustong paagi sa panglantaw sa kinabuhi. Tinuod ang tabang Diosnon, apan ubani kini og pagkamakugihon.