Panaw sa kinabuhing espirituhanon

Si Papa Francisco diha sa iyang pagpakighinabi sa mga katekista sa Buenos Aires ang nagkanayon : " Ingon nga katawhan ang panaw hinay, dugay, lisud ug taas". Sama sa mga Israelita kaniadto nga nipanaw sa kamingawan sud sa taas nga panahon. Apan ang maong panaw niputli kanila sa wala pa sila nisulod sa yutang gisaad. Ug anaa sa matag panaw ang tental, kasakit,ug kalisod, mga butang kinahanglanon aron sa ingon mamahimong malig-on ang kasabutan tali sa Dios ug sa tawo. Ang kaluwasan usa ka panaw sanglit ato man kining subayon.