Gugma sa kinaiyahan

Klaro na kaayo nga kanang mga kahoy nga nabutang tunga sa dalan M. Velez, kanang kilid sa Capitol (ang-ang ra ba ang pagkatunga), nakasamok sa traffic, naka-pose og danger sa mga motorista, ug nahimong obstruction sa traffic.

Ato ba lang ning pasagdan gumikan sa atong gugma sa kahoy? Hain may atong palabihon, ang safety sa kahoy o ang safety sa katawhan? Alang nako, bisan og nakahatag kini’g katahom ug landong sa dapit, ato g’yung ipatigbabaw ang safety sa katawhan.

Besides, bisa’g atong putlon ang maong mga kahoy, ma-livable man gihapon ang Cebu ug ang pagputol niini, dili maka-contribute sa pagbaha, ni makahimo’g kasal-anan batok sa kinaiyahan ug sa Kahitas-an, suma  pa ni Fr. Reyes.

Kun kanang iyang pagdagandagan, iya pang gipananom og mga kahoy, dili na unta kita karon magrabehan sa baha ug lunop.

Bisa’g unsaon nato og tan-aw, bisa’g dili ka engineer o traffic manager, ang maong mga kahoy have to go, for the safety of humans. Dili na lang mag-sentimental-sentimental. Let’s be practical and realistic.

Gawas kun ang taga-Livable Cebu ug ang  DENR mopasalig pagdumala sa traffic sa maong dapit 24 hours a day, aron kalikayan ang mga traffic accidents, then let the trees stay.

Atong kutloon kining pamahayag ni Orlando Carvajal sa iyang column sa mantalaan mahitungod sa pagpamutol sa mga kahoy ni Mayor Val Chiong sa Naga City.

“We all have killed so many trees in our life, both directly and indirectly. Think of all the trees killed so we can have bond paper, tissue paper, paper bags, and boxes, of course for cooking and lumber for a house,etc., etc.

“What is so sacred about Naga’s trees that it is sinful to cut them? They are in the wrong places, what could be more appropriate than to just replace them with many more in the right places.? Sacrificing people’s welfare and endangering people’s lives to uphold one’s glamorous romance involvement with trees, that’s what is sinful.”

Husto ang observation ni Carvajal. Mas dako’ng sala ang pagpabaya sa safety sa katawhan kay sa pagpanalipod sa kakahoyan. Kanang mga kahoy kilid sa Capitol sa dalan M. Velez, they are now in the wrong places.

Ato sila’ng pulihan og mas daghang kahoy, itanom in the right places somewhere else.