Maja matilawan ni Dennis

CEBU, Philippines - Gibutyag pa ni Dennis Trillo nga duna sila'y love scene ni Maja Salvador sa upcoming movie nila nga "Now and Forever".  Gitataw hinuon ni Dennis nga dili law-ay ang pagpresenta nila sa maong eksena.

Komportable

Komportable gihapon ang kanhi mag-uyab nga sila si Anne Curtis ug Sam Milby kung magkaistoryahanay silang duha. Nasugdan na kini sa pantaserye nila niadto nga Dyesebel hangtud sa panag-uban nila sa pelikulang The Gifted  nga ipasalida na karong September 3.

Teaser gipalugwa na

Gipagawas na ang labing unang teaser sa pelikulang "Maria, Leonora,Teresa". Ang maong teaser nagpakita sa usa ka masulob-ong aksidente nga mikalas sa kinabuhi sa tulo ka bata nga mga anak nila ni Iza Calzado, Zanjoe Marudo ug Jodi Sta. Maria. Wala usab hisguti kung kanus-a ipagawas ang maong pelikula.

Lea nasubo

Usa si Lea Salonga sa mga artistang nasubo sa kalit nga kamatayon ni Robin Williams. Si Robin mao ang nidala sa tingog ni Genie sa animated nga pelikulang "Aladdin". "Sigh... good-bye, Genie... now you truly are free" post pa ni Lea sa iyang Facebook account.

KC nasakitan sa isyu

Giangkon ni KC Concepcion nga nasakitan siya og maayo sa dihang niulbo ang tsismis nga siya mao ang inahan sa iyang mga igsuon nga sila si Miel ug Miguel. Kahinumdumang miulbo ang  maong isyu sa dihang nitikang siya sa  abroad. "Yung buntis issue since 18 years old ako, kapag lumalabas ako ng bansa ay buntis ako at kapag payat akong bumabalik ay nagpa-abort" suma pa ni KC.

Hulagway gipeke?

Daghan ang nakaingon nga dili maayong ehemplo sa kabatan-onan ang mag-uyab nga sila si Elmo Magalona ug Janine Gutierrez. Nasayran nga mikatap ang hulagway sa duha nga  naghupot og botilya.  Hugot nga gilimod sa kampo ni Elmo ang maong  hulagway ug giingong gipeke kini. 

Pagpanagpa gipistahan

Mikatap sa social media ang video kung diin gisagpa ni Mayor Herbert Bautista ang gidudahan nga drug dealer. Suma pa ni Herbert nga dili niya kinaiya nga manakit og tawo ug nadala lang gyud siya sa iyang kalagot niadtong higayona. Kahinumduman nga nangayo na og pasaylo si Herbert sa publiko ilabi na sa mga tawo nga nisaway sa iyang gibuhat.

Dako ang kausaban

Gidayeg ni Sylvia Sanchez ang pagkapropesyunal ni John Lloyd Cruz sa pag-arte. Matud pa ni Sylvia nga dako gyud ang nausab ni Lloydie sukad sa una nilang panagtrabaho sa "Tabing-Ilog". Magkauban ang duha sa pelikulang "The Trial" diin siya mao ang modala isip inahan ni John Lloyd .

Wala gikilig

Tsika pa ni Arjo Atayde nga wala siya gikilig sa tandem sa iyang inahan nga si Sylvia ug sa aktor nga si Lito Pimentel sa seryeng "Be Careful With My Heart".

Na-enjoy sa kaminyoon

Giangkon ni Mariel Rodriguez nga nalingaw ra siya sa iyang kinabuhi kung diin natuman gyud niya ang iyang mga responsibilidad isip asawa ni Robin Padilla. Nagpanikad na si Mariel sa umaabot niya nga programa sa TV5 nga Talentadong Pinoy kung diin siya ang co-host ni Robin.

Lloydie-Sarah tandem ibalik

Gikumpirmar sa tag-iya sa Viva Films nga si Vic del Rosario nga subling magpares sa pelikula sila si John Lloyd Cruz ug Sarah Geronimo. Matud pa nga nagbaha ang mga hangyo sa ilang fans nga unta magpares og balik ang ilang idolo gumikan kay wala sila napul-an sa tandem niini.

Cristine nagparetoke

Giangkon ni Cristine Reyes nga duna siya'y giparetoke sa iyang lawas. Nagdumili hinuon pagbutyag ang aktres kung unsa nga parte sa iyang lawas ang iyang gipausab.

Barbie nakugang sa award

Naghinam-hinam na si Barbie Forteza sa iyang follow-up movie ug gisaad niya nga buhaton niya ang tanan aron hugyaw ang mahimong resulta sa maong proyekto. Kahinumduman nga si Barbie ang napili nga  Best Supporting Actress sa New Breed Category sa Cinemalaya 2014 alang sa maayong pagdala niya sa Mariquina.

On the spot

Tsika pa ni Kris Aquino "on the spot" lang ang pag-interview niya sa kanhi niya boyfriend nga si Mayor Herbert Bautista sa programang Aquino and Abunda Tonight niadtong Lunes sa gabii. Giingong nitikang si Herbert sa programa ni Anthony Taberna ug giuslan lang nila si Herbert aron makuhaan sa iyang habig kalabot sa isyung pagpanagpa niini sa usa ka Chinese national nga gidudahang drug dealer.

Padilla brothers sa TV5

Pormal na nga mipirma og kontrata sa TV5 niadtong Lunes ang magsuong Padilla nga sila si Robin, BB Gandanghari ug Rommel. Bida ang tulo sa upcoming sitcom sa TV5 nga 2 1/2 Daddies. Samtang si Robin usab ang host sa pagbalik sa talent show nga Talentadong Pinoy.

Exclusively dating

Giangkon ni Erik Santos nga 'exclusively dating' na ang istado nila karon ni Angeline Quinto. Nasayran nga magtawganay na sila og "I love you" sa usa’g-usa. Suma pa ni Erik nga magmalipayon siya kung si Angeline ang iyang kauban.

Pag-whistle giatngan

Ang pag-whistle sa international singer nga si Mariah Carey maoy usa sa giatngan sa iyang fans sa umaabot niya nga concert sa Pilipinas karong October 28 sa Mall of Asia Arena. Si Mariah maoy nagpasikat sa awit nga Forever, Bye Bye, We Belong Together, ug Without You .

Dili magpalupig

Gipaneguro matud pa sa programang Celebrity Bluff sa  GMA 7 nga hugyaw ang ilang episode karong August 23.  Nasayran nga makaatbang nila sa maong petsa ang grand finale night sa Pinoy Big Brother All- In.

Bantay bata

Tsika pa ni Matt Evans nga giminosan na niya ang iyang night life gumikan kay gihatagan gyud niya og dakong oras ang anak nila ni Katrina Favis. Suma pa ni Matt nga kung wala siya'y trabaho, siya mao'y tigbantay sa iyang anak. (Sanden J. Anadia)

X-Factor Australia tulo ka Pinay natangtang

Napakyas sa pagtungtong ang  Filipina singing group sa sunod nga level sa  The X Factor Australia

Natangtang sa bag-ohay lang nga elimination round ang grupong Trill nga gilangkoban sa  mga Pinay nga sila si  Sheralyn Hill, Angel Tairua ug Jessica Jade . Ang laing contestant nga si Adrien Nookado maoy naluwas sa maong round.

Pagkakaron, usa na lang ka Pinay ang nagpabilin sa The X Factor Australia. Todo suporta karon ang mga Pinoy ngadto sa 14- anyos nga si Marlisa Punzalan kinsa maoy labing bata nga contestant sa maong show.

Kahinumduman nga naukay pag-ayo ang mga hurado ngadto kang Marlisa sa  dihang gikanta niini ang All By Myself ni Celine Dion.

Boy nalandig sa tambalanan

Gibutyag ni Kris Aquino nga taas ang hilanat ni Boy Abunda ug gidala kini sa tambalanan ug mao kini ang rason nga wala kini makalugwa sa mga programa niini sa ABS-CBN nga "The Buzz" ug "Aquino & Abunda Tonight".

"Nasa hospital pa din si Boy Abunda. Get well soon, Boy. I love you, I miss you so much," suma pa ni Kris atol sa programa niya nga Kris TV kagahapon sa buntag.

Dugang pa ni Kris nga niadtong Biyernes pa sa miaging semana  nalandig sa  hospital  ang iyang higala kung diin misaka ang body  temperature niini ngadto sa  41 degrees celsius.

Runner Up nga Rayna

Unom ka mga korona ang nalangkat sa mga Cebuana beauty-queens gikan sa nagkadaiyang nasudnong mga indigay sa kaanyag karong tuiga.

Kini naglakip sa Bb. Intercontinental ni Kris Janson, Miss Earth Philippines ni Jamie Herrell, Miss Teen Earth Vanessa Walters, Reyna ng Aliwan Steffi Rose Aberasturi, Mrs. Philippines-Globe ni Stephanie Tiro Sitoy ug Mutya ng Pilipinas Asia Pacific ni Eva Patalinjug.

Kanilang unom, tulo ang managsama og kapalaran sa ilang gisalmutan nga mga indigay sa kaanyag dinhi sa Sugbo kaniadto: puros nahimong runner-up.

Sila mao si Herrell kinsa sa iyang pagsalmot sa Miss Lapu-Lapu 2012, nitapos isip first runner-up. Hangtud nga nidaog siya isip 2013 Sinulog Festival Queen ingon man Mega Cebu Ambassadress. Nitekang siya sa kaulohan alang sa Reyna ng Aliwan niadtong 2013 ug maoy nakoronahan.

Si Sitoy, kinsa usa ka medical doctor, kanhi second runner-up usab sa Miss Cebu Tourism 1993.

Ang labing bag-ong nilangkat og korona alang sa Sugbo nga si Patalinjug makaduha ka higayon nga nahimong first runner-up: 2013 Miss Mandaue ug 2014 Miss Cebu.

 International Queens

Sa nanglabay nga mga katuigan, duha ka mga runners-up usab dinhi sa Sugbo ang nakalangkat og korona dili lamang dinhi sa nasud, kundili lakip na sa ilang international competitions.

Sila mao si Miss Earth 2008 Karla Henry ug Miss Tourism International 2012 Rizzini Gomez. Si Henry nisalmot sa 2005 Miss Mandaue diin second -runner up siya ni kanhi Bb. Pilipinas-World Anna Maris Igpit. Pagkasunod tuig nisalmot siya sa Miss Cebu diin subli siya nga na second-runner up. Si  Stephanie Señeres ang rayna sa mao nga batch.

Samtang si Gomez, nakoronahan isip 2008 Miss Mandaue. Pagkasunod tuig, nisalmot siya sa Miss Cebu ug napiling first runner-up. Si Janson ang rayna sa maong tuig. (BANAT NEWS)