Mga langyaw’ng investors wala mahadlok sa Yolanda

Despite sa Yolanda, nagpadayon ang pagsalig sa ubang kanasuran nga makabangon da ang Pilipinas ug magpadayon ang ekonomikanhong pag-uswag niini. Wala sila mahadlok sa mga katalagman nga mihapak sa nagkalainlaing dapit sa kalibutan, particularly dinhi sa Asia.

Gani, matud nila, ang mga kadaut nga ibilin sa mga katalagman, makaikag hinoon sa pagtubo sa ekonomiya.

Pananglitan, sa 2012, maayong pagkaguba ang Thailand, gumikan sa makalilisang baha nga mihapay sa liboan ka pabrika ug mga yutang agrikultural. Unsay nahitabo saThailand tapus sa maong katalagman? Mibangon sila, ug mi-rebound ang ilang ekonomiya balig 7.1 percent.

Sa 2005, ang ekonomiya sa Indonesia by 5.6 percent tapus sa tsunami nga mikalas og kapin sa 200,000 ka kinabuhi ug miguba sa tibuok lalawigan sa Aceh.

“I think we have moved forward tremendously,” pamahayag ni President Michael Martelly sa Haiti, upat ka tuig tapus sa 7.0 magnitude nga linog nga mihapak sa ilang nasud, nga mi-claim og kapin sa 300,000 ka kinabuhi ug miguba sa liboan ka building sa Port-au Prince ug sa kasilinganang dakbayan.

 Dinhi sa ato, tapus sa Yolanda, gipaabot nga dili kay mobangon lang ta, kundili mo-take off gyud ang atong ekonomiya … kun matarong lang ang pagdala ang atong mga reconstruction efforts, ug dili kasagulan og corruption. Hagit kini sa Reconstruction Czar, Ping Lacson.

Gawas sa bag-ong loan gikan sa Japan, adunay walo ka dagkung kompaniya sa Japan ang mobubo og capital nganhi sa atong nasud, gumikan sa positibong economic conditions sa atong nasud (bisa’g di ka motuo).

Ang Japan usa sa mga nag-una  nga tinubdan sa foreign investments nga giaprobahan sa  Philippine investment promotion agency nga mokabat og P69 billion.

Sa iyang report nga giulohan “Asia Pacific Outlook 2014: Realizing Potentials,” si Glenn Levine, senior economist sa Moody’s Analytics, miisip sa Pilipinas nga usa sa “top world’s fastest growing economies.”

Ang Germany, karong bag-o, miusbaw sa ilang fund assistance by 12 million Euros. Sa miaging  lima ka tuig, nagdawatan kita’g 10 million Euros. Sugod karong tuiga, 22 million Euros na ang atong dawaton, “in recognition of the huge potential for successes in the country.”

Ang America, miusbaw usab sa ilang fund assistance nganhi sa atong nasud, sa ilang budget karong tuiga, migahin sila’g $178 million alang sa atong nasud, labaw og $32 million kay sa tuig 2012.

Pipila lamang kini sa mga economic development sa atong nasud nga naghulagway sa pagsalig na karon sa international community nganhi sa atong national leadership.  

Si Rucher Sharma, New York-based sa emerging markets sa Morgan Stanley International Management, nga nag-handle og $25 billion nga investments, lakip na ang Philippine shares, namahayag: “It comes from having the right leader at the right time.” Si Noynoy ang buot niyang ipasabot.