Ang damgo sa panan-aw ni Carl Gustav Jung

Usa siya ka Swiss Analytical Psychologist ug kauban ni Sigmund Freud. Apan ang managlahing baruganan maoy hinungdan kun nganong sila nagkabulag. Alang niya ang damgo kabahin sa kinaiya sa tawo nga wala matago diha sa subconscious sa tawo ug dili bunga sa sexual urges ni ang damgo bunga sa mga kasinatian kondili ang matag tawo ang nakahupot niini. Gitawag kini niya og archetypes. Atong nasunod ang maong collective unconscious gikan sa atong mga katigulangan ug ato lamang kining masabtan pinaagi sa nagsubli-subling kasinatian sa matag katawhan. Matud pa ni Jung nga ang nagdamgo kon ang dreamer mao ang mas nasayud sa iyang kaugalingon ug dili ang uban ug ang hingtungdan mismo ang dunay gahum nga makahimo og paghubad sa iyang mga damgo. Mahimo lamang kini kun ang hingtungdan ang mohimo og pagtagad sa mga hulagway ug mga simbolo sa imong mga damgo.