Sorry, mga kodaker

Aniay subo nga balita alang sa mga retratista o maghuhulagway. Misang-at na og kasong bankruptcy o pagkabangkaruta ang Eastman Kodak.

* * *

Kining kompaniyaha maoy unang nanghimo og kamera nga maoy sinugdanan sa photography career kon karera sa milyon ka milyon nga mga banggiitang retratista karon. Giugmad ang Kodak niadtong 1800.

* * *

Dinhi sa ato sa Sugbo ang Kodak nahimo nang by-word sa mga Cebuano home. Wala’y usa ka Sugbuanon nga wala makadungog ug makaila unsay Kodak.

* * *

Gani, alang sa mga Sugbuanon ang tanang kamera Kodak. Bisan pag mga mahalon nga brand sa kamera Kodak lang gihapon kini.

* * *

Ug gani sab, ang mga retratista o photographer ginganlan dinhi sa ato nga kodaker o mangungudak.

* **

Kanunay kita makadungog og mga pulong nga nagkanayon: “Magpakodak ta” o “Ang kodaker migamit og Canon nga kodak.”

* **

Tungod kay nabangkaruta naman ang Eastman Kodak, nga maoy taghimo og kodak nga Kodak, hayan mahanaw na sa dili madugay ang kamera nga Kodak sa mga photo supply.

* * *

Apan ang mga kodaker ug mangungudak magpabilin kay dili man mangawa ang mga magpakodak.

* * *

TRIVIA-- Greetings sa atong mga higala diha sa San Remegio. Daghang salamat sa inyong suporta sa Banat News. (with JVJ)